IMAW EON MAN SIGURO AH - Gezelle Solidum

IMAW EON MAN SIGURO AH

ni Gezelle Solidum

Hay lablayp makara ka gid man baea?

Miskan masakit hala sige padayon pa

Owa gid ang gaeaom nga hara ang maabtan

Hangaeon mo tiniis ko tanan ing kalokohan.

Sa sueod it tatlong buean

Abu-abo ang naaguman

Imong pagluko permi ko lang gina paeampasan

Haeos tanan gina obra ko man.

Nagaagi ra abong binuean

Ay! Wow nag buhay kita miskan lokohan

Grabi ta gali ang inagyan

Pati ngani si best friend naga dayaw sang kaisugan.

Binaton nakon ikaw nga hantop sang tagipusuon

Hay ano ing inubra? Imaw man gihapon

Hambae ngani nanda grabi ang katangahan

Sabat ko “hay alinon, true love ang naingkwentruhan”.

Nakaabot man kita makara it waeong buean

Nangawa ngani sanda kon ham-an

Sa imong pinang-obra ‘wa ako natak-an

Pero hambae ko saeamat dahil kimo ako nakaantiguhan.

UNANG KITA NGA INDI MALIPATAN

ni Gezelle Solidum

Nadumduman ko tag una naton nga pagkita

Umadto ka gid ing sa baeay para magbisita

Eaom ko’t-a abi kato ga joke ka

Ay! Gali idto ka eot ing sa plasa.

Tag iya kita sa baeay todo ang panghayhay

Grabi ra ang kakueba kay Nanay ag kay Tatay

Hangaeon mo ra panueok makamaeatay?

Nag diretso lang eani kami sa ibabaw para mag pahuway - huway.

Sige ka istorya parte sa kabii

Ay! Langa - langa ‘wa gid ang gapamati

Eeiihh, ikaw gid man abi ee

Sayod mo baeang makahueuslog ka it panty.

Naabot ra istorya sa pag higugma

Owa ka gihapon kapan-o nga ginatinan-aw ta

Naghambae ka it gulpi nga san-oh mo ako sabton?

Ay hala! Nagligaw eot a imaw kakon.

Mangan - angan mauli eot-a kuno imaw

Hay sige lang miskan owa pa ako naila nga magpanaw ikaw

Tag idto eon kami sa hagdan

Sinabat ko imaw aeang-aeang gid sa anang kagwapuhan.

Hinatod koi maw hasta sa may waiting shed

Oh yeah alright let’s do the harlem shake

Grabi gid-a ang kalipay nga nabatyagan

Hatong adlaw ‘di ko gid malipatan.

Laguinbanwa, Ibajay, Aklan

NABAS NAMON - RUHS FLORES

NABAS NAMON

Nabas namong balaan ang pinalanggang banwa

Nga nahamut-an sang Diyos sang paghigugma

Sa imo nakahamtang ang bugana nga grasya

Nga nagahatag sa amon sang kabuhi ag ginhawa.

Dayawon ang imo kultura ag tradisyon

Nga pinanubli ag halad sa palaabuton

Abi-abihon ang imo turismo nga bulawanon

Bugal ag dungog namong mga Nabasnon.

Pangibabaw, Nabas, pangibabaw

Sa imo ang amon gugma nga owa gatahaw

Pangibabaw, Nabas, pangibabaw

Padayon kang magahayag sa ibabaw.

Mahugod, mabuot ag malipayon ang mga tawo

Nga may pagdangop sa gubyerno ag sa Ginuo

Mga dunang manggad amon ginarespeto

Padulong sa kamalayran ag hantop nga asenso.

- RUHS FLORES

Nagustan, Nabas, Aklan

HINUGYAW ( 3 ) Tanagakeanon ni Ati-Ati

HINUGYAW ( 3 )

Tanagakeanon ni Ati-Ati

_________________________________

HALA BIRA

1.

Akon ginhuna-huna

Protoro’t mga unga

Siin baea matugpa

Sa eangit o sa eugta?

2.

Karsadang matsa humbak

Motor ko eumagasak

Bumalilin sa eubak

Nadugangan ang pae-ak.

3.

Maeamig nga einugaw

Maskin may bahaw-bahaw

Sa kaeamay ginsawsaw

Ag amon ginpamahaw.

4.

Mga tawo gatingha

Bangud owa it suea

Mga isda sa suba

Ubos loader it sungka.

5.

Mga tawo nahadlok

Basi kon tumabusok

Sa tulay eon nga gabok

Puro anay ag bukbok.

6.

Owa gasakang sweldo

It pobreng mga tawo

Apang ro pulitiko

Gaeapaw ro asenso.

7.

Owa’t untat nga uean

Suba nga basurahan

Eapaw sa kaeugtaan

Eumunod sa katawhan.

8.

Pag-agto ko sa tabok

Ako hay tumabusok

Sa buho ng sinandok

It gaquarry nga sueok.

9.

Payag-payag ni Inday

Sa may binit it baybay

Inagyan it kanaway

Naguba ag humapay.

10.

Relief goods ginpanagtag

Mga tawo gakupag

Kueang eon sa plastic bag

Ubos ukay ag haghag.

11.

Ro akong kaeanasan

Owa gid it mapuslan

Tubing ginasaligan

Sa kanae hay namaehan.

12.

Ro amon nga pamahaw

Hay kapaya nga hilaw

Sa mahaeang nga eanggaw

Sinawsaw ag kinilaw.

SAKA’T SULI ( 2 ) Dionakeanon ni Baeansuli

SAKA’T SULI ( 2 )

Dionakeanon ni Baeansuli

___________________________

EUSO-EUSO SA PULITIKA

1.

Bakasa eang it tanom

Bisan mat-a ueuron

Mabahoe nga taeamdon.

2.

Kon bukon ka it pal-it

Ag indi ka magkuhit

Indi ka gid kaangkit.

3.

Hinugay it katueog

Maskin pa ginaduyog

Mukeat bisan gaeubog.

4.

Kon ikaw magdaeagan

Bakasa eang it tikang

Bahuea gid ing eak-ang.

5.

Abante eang it paspas

Hinugay gid it atras

Makahingabot patas.

6.

Paearehas eang kuno

Gapungko sa gobyerno

Gasungayan ro ueo.

7.

Paghakot eang it tawo

Ag ipabueong nimo

Handumon nandang husto.

8.

Naga-ilig eang katon

Kwarta kunong minilyon

Apang ginapinunong.

9.

Kuno sa pagserbisyo

Sa sueod it gobyerno

Abtik makaremedyo.

10.

Mueo-mueo it imoe

Gobyerno ro binasoe

Bulag, apa ag bungoe.

11.

Samtang sige ro unay

Manugkitkit nga anay

Mawad-an ka it hueay.

12.

Ro grasya nga nag-abot

Bakasa eang it hakot

Ag saeuron ro gabot.

RO BAEO - GREG M. IBESATE

RO BAEO

Naga tueak imaw

It karito

Ag gasiningit

It “bote”

Samtang ra ueo

Hay puno

It tinae ko anang mga ilo

(owat sueod kapareho ko mga bote)

Ag sang ka kandila

Nga anang pagasindihan

Sa eoeobngan

It anang asawa.

Gin inakeaon it nag sueat halin sa “ The Widow”

GREG M. IBESATE

Homelife , November 1995 Issue.

BAEANGAW

BAEANGAW

Sa eangit hay nagatuhaw

Matsa korona sa ibabaw

Kapin ro uean hay maghueaw

Nagasiga ka, o baeangaw.

Sa eugta ikaw among tulay

Sa eain-eain mong mga kulay

Nagaduea ro among kabudlay

Nagahaead kamon it kalipay.

O baeangaw, o baeangaw

Pasigaha among pamanaw

O baeangaw, o baeangaw

Giyahe among pamanaw.

Ikaw among nangawahan

Nagasiga sa kalibutan

Ag suno sa mga magueang

Sa utbong hay may bueawan.

Sa tyempo nga magae-om

Ro among daean nga madueom

Kabay nga imong pasigahon

Para sa amon nga pageaom.

Puea, kahel, berde ag dueaw

Ube, indigo ag bughaw.

___________________________________________________________

1^st place – Jazz Chant Category

Com. Arts Festival, Cluster VI,

Held at MMSI, Laguinbanwa, Ibajay, Aklan / Nov. 14, 2014

***

3^rd place – Aklan Provincial Com. Arts Festival

Held at Kalibo Integrated School, Kalibo, Aklan / Nov. 23, 2014

_______________________________________________

Performed by:      Ibajay National High School Students

                             Colong-colong, Ibajay, Aklan

Lyrics by:             Shur C. Mangilaya      

INHS Creative Writing Students     

Music by:             Eduardo Orcajada

                             ( INHS Music Teacher )

SA BUKID - GREG M. IBESATE

SA BUKID

(Nasyonalismo Suno kay Macario Sakay)

Kon gabii

Ro eamig

Nga nagahalin

Sa hangin

Ag sa pilang batong uean

Hay naga pamasoe

Sa anang eawas

(Ro kamesa hay gin uba ay umog eon.

Ro Sultan, Principe ag Hari

Hay ha aywan

Sa Moro-moro)

Samtang ro kaeayo

Nga nagahalin

Sa gabok nga pakeang

Hay naga hinaeakhak

Samtang ginapakita

Ro naga idlap-idlap

Nga mga iwag

Sa syudad.

(Ginagutom eon

Ro mga baril

Sa eoeobngan

Pero si Lucio de Vega

Hay owa pa gihapon)

Gin inakeanon halin sa “SA BUNDOK”

Ni GREG M. IBESATE

HOMELIFE, May 1996.

akeanon ni JEZEBEL MANGILAYA VILLANUEVA

akeanon

indi kuno maeubtan

among haeambaeon

pero kung imong isipon

madali malang maw eubton.

gin-islan manlang it “e” ro “l”

lisod eon kuno intindihon

gapilipit eon ro dila

owa pa ngani it namitlang.

Tao ta kanda lisod gid kuno

Ro dialect namon

Maeumo manlang ron

Pero dapat gid eubton.

Maeumo manlang man

Dahil gintun-an man namon

Maghambae it makaron

Tan-awa kaantigo kami karon.

Mali eon mga kasimanwa

Tur-an naton sanda

Maghambae paris katon

Agud mag-abu ro kaantigo dayon.

Sa mga indi kaintindi kara

Bahala eon kamo una

Mageubot sa ginsueat nakon

Basta ako, proud akeanon.

ni JEZEBEL MANGILAYA VILLANUEVA

_______________________________

This poem of Jezebel Mangilaya Villanueva was published in HUTIK (2012-2013) The Accounts Literary Folio of the University of the Philippines Visayas College of Management.

HANDUMANAN (5) Mga Binaeaybay ni Tagbaeay

HANDUMANAN (5)

Mga Binaeaybay ni Tagbaeay

________________________

RO AKONG BINAEAYBAY

Malieon, malieon aton nga basahon

Mga binaeaybay nga akong pahaom

Kamong nagabasa ako may taeamdon

Ngani pasaeamat ang kaugalingon.

Promisa ko kinyo akong tinguhaon

Kamong nagabasa akong palanggaon

Sa tagipusuon akong haeandumon

Maskin siing lugar ako hay apukon.

Akong ginahinyo inyo man dumdumon

Ro harang igmanghod sa pagbaeaybayon

Kabay nga inyo man nga abi-abihon

Bilang kasimanwang ampod nga Akeanon.

Mga binaeaybay inyong tinguhaon

Isueod sa utok kon inyong basahon

Kon nalisdan kamo nga binag-binagon

Buligan lang naton kon may magkumangon.

Maskin ro itsura ninyo muringaton

Maniwang,matambok, maputi, maitom

Para gid sa tanan ginahaead nakon

Agud kamo akon nga lingaw-lingawon.

Kon indi mahangpan bisan malasahan

Ag kon nabahuan kapin naeangtuhan

Sukaha eang galing kon may naeangsahan.

Ag kon nanamitan, kan-a eang it uman.

___________________________________

IBAYHANONG IBAJAYNON

Bugae ko ag dungog mangin Ibajaynon

Tawong malipayon ag matinahuron.

Maabi-abihon ag makiangayon

Mahugod, mabuot ag mabinuligon.

Mga taga baryo pati taga sitio

Maeupot, manami ro pagsinaeayo

Magkaeapitbaeay gatao’t respeto

Ag mapasensyahon sa isigkatawo.

May paghiliugyon ag paghiliusa

Nagabueoligan ro kada isaea

Sa mga kalisod nga ginaagwanta

Pirmeng masaligan gaamot it grasya.

Ro nagadumaea sa sueod gobyerno

Hay mga sinsero sa pagpanerbisyo

Sige ro paghimo it mga proyekto

Para padayunon handum nga progreso

Mga ginikanan, mapinalanggaon

Ro mga inunga hay masinueondon

Bukon it maeain mga bueohaton

Bisan ginagaid sa pagkapobrehon.

May mga debusyon sa Santo nga Niño

Naga Ati-ati kada mag Enero

Sige ro paghaead bangud milagroso

Patik, buling, sadsad, inasae ag karo.

Buganang pananom sa may kapatagan

Maeab-as nga suea sa may kaeaeawran

Hay ginahuguran ag ginahipigan.

Ginhaead nga manggad nga pangabuhian.

Akong ginadayaw ag ipakilaea

Sa tanan nga banwa ag mga probinsya

Sa bilog nga nasyon ag kalibutan pa

Bueawang Ibajay palangga kong banwa.

KALINGAWAN ( 2 ) Mga Luwa ni Tag-ilaya

1.

Daeagang handum nga kamangon

Sa gabii hay halikapon

Pagbugtaw ko pagkaagahon

Anang lola a ro naangkon.

2.

Nagsaka si Tomas nga bungkoe

Sa may tuyong-tuyong it hansoe

May bungang euto nga ginbuoe

Kinaon ro pii ag busoe.

3.

Nangawa gid ako sang supot

Sardinas ag noddles sinil-ot

Nagkaeahueog ay nagabot

Sa puro kinupag it hakot.

4.

Ro paskwa sa amon nga banwa

Ro mga tawo nagapila

Sadinapit namong bisita

Nga nagapanagtag it grasya.

5.

Ro among saeakyan umus-os

Sa kilid-bukidsa may ubos

Owa abi matapos buldos

Bangud ro budget hay naubos.

6.

Ro hambae kato it bisita

May gaabot kuno nga grasya

Hueat-hueaton eang hin-aga

Hasta kara ginahueat pa.

7.

Ro mga pispis nga kuyapnit

Hay may ugali gid nga pal-it

Gusto gid tanan hay mangkit

Maskin ro pakpak hay sumab-it.

8.

Ro panyempo hay uean-silak

Kasae kuno’t banug ag uwak

Maw gali gawakae ro wakwak

Atop namon anang ginahak.

9.

Sa among baryo it katungaw

Maabung gasalidang eangaw

Iti it manok gasinungaw

Pagkaon namon ginakutaw.

10.

Sa bag-ong arado nga eanas

May mangungumang nagabaktas

Ginabitbit na ro tsinelas

Bangud eapukon ag nabitas.

11.

Sa huyop ag eapdos it bagyo

Pangabuhi’t tawo binayo

Ginhueat nga relief sa baryo

Hinueay ag ginpangremedyo.

12.

Sa pagtabok namon sa suba

Naeusot gid kami sang unga

Gakapay-kapay nga gatingha

Bangud ro baeas matsa sungka.

KALINGAWAN ( 2 )

Mga Luwa ni Tag-ilaya

TUN-OG - GREG M. IBESATE

TUN-OG

Tueo it pinong hamog

Nga naghalin

Sa nagakaeayong eangit

Nahihimong sangka baso

Nga maeamig nga tubi

Nga ga utod

It kauhaw

Hin-aga.

- GREG M. IBESATE

The FORUM, Vol 11, No.8

Official Student Publication

Northwestrn Visayan Colleges

SY 1991-92

JOSHPER M. CONANAN

DAGYAW

 

Kato anay…

Nagabueoligan ro mga kaeaeakinhan

Nagaieieiba ro mga kusog sa mga abaga

Sa pagpas-an ag paghakwat it baeay

Nga pagahalinon sa pihak nga lugar

Malipayon ro mga kababayenhan

Sa pagdat-on it mga pagkaon

Eangit ro pangabuhi

Sa bag-ong ginhalinan nga ieistaran.

Makaron…

Nagatieibyog ro mga kaeaeakinhan

Nagasieinggitan ag nagakaeapyutan it butkon

Sa pag-abang ag pagpugong

Sa mga tawo nga manugguba it baeay

Nagatinangis ro mga kababayenhan

Nakakinupag ag nagapaeangurog

Impyerno ro pangabuhi

Sa bag-ong gintapukan nga ieistaran!

NI JOSHPER M. CONANAN

GREG M. IBESATE

PAGHINYO

(Para kay Edward)

Pukawa ako

Bag-o magbutlak ro adlaw.

Basi hi kita ako

it mga iwag

sa poste it inyong

mga kaeapit it baeay.

Nagbueaw ako kara.

nagpueaw abi kita

it pag inusoy it naduea

nga parte

it gigsaw puzzle

it  bungalow.

Tagua gali it mayad

ro layter

nga pirmi mong ginahampangan.

Indi eon ako mag papaso

o maka singhot it asu

nga imo pirming gina tinago.

Sarha gali ro pueta.

Indi pag buksi.

Indi gid pag tid-i

Rang pag eayo.

Gin-Akeanon halin sa “PAKISUYO”

Ni GREG M. IBESATE

Home Life, February 2000 Issue

ELEMENTARYA ni Mary Shiey M. Mangilaya

Akong ginakahidlawan

Manaming mga inagyan

Malipayong nagtaliwan

Indi ko gid malipatan.

Mga tyempo it kasadya

Sa akon nga pag-eskuyla

Samtang sa elementarya

Madumduman mo gid ana.

Mga dati nga kaklase

Haeos mga komedyante

Kasangagon gid sa klase

Ag sa kaeangas nga pirte.

Kada sanda madumduman

Akon ginakahidlawan

Kunta hatong nagtaliwan

Hay magabalik it uman.

Maskin ako nasubuan

Sa among pagbueueagan

Manaming pagsaeayuhan

Indi ko gid malipatan.

Ibajay National High School

Colong-Colong, Ibajay, Aklan

GREG M. IBESATE

PARA KAY CELIA

Kon sa kamera eang kunta

Ro imo nga matuod nga kabuhi

Hay pwede ko nga islan

It mga bueak

Ro eotay

Sa imong likod

Nga natipon it imong nagtaliwan.

Pero

May mga mata man gihapon

Nga maga dilot

Sa imong litrato

Nga bisan nakasaya ka

Ag mahaba ring manggas

Tan aw nanda

Ikaw hay ubabaehang

(Gin Inakeanon it nagsueat  PARA KAY CELIA)

GREG M. IBESATE

Homelife, February 1995 Issue p. 39

SUNDAY INQUIRER MAGAZINE

_______________________

BAEAY

Tungang gabii

Kat mabali ro haligi

It among baeay

Ay sumunod ra espiritu

Sa espiritu

It Ginebra.

Mayad ngani

Ay may kingki kami

Nga bisan gaimamaeong

Kita ko gihapon

Ro badlit kang paead

Ag imaw nakon

Nga gin sueay.

- GREG M. IBESATE

BUEABOD, Vol 5, May 1994

BUDYONG, February-March 1996

Vol. 1 No. 4

3^rd Place, Poetry Writing Contest, 4^th MIAG-AO SUMMER ARTS CAMP, UPV, Iloilo City, May 29, 1994

SHALLEN MAE M. FERNANDEZ

MOLAVE 

Seksyon nga perti sa wakaean

Pag gin panisgan mga kabaean

Sa kalokohan ‘di magpalugi

Pag-abot nga gintukso nganganga sa klase.

Sa seksyon ngara makita mo tanan

Abnormal, supae ag mga kabaean

Hep may una pa no…

Maduea pa baea ro mga gwapa ag gwapo.

Sa kalokohan supaean ag wakaean

Kami gid ro unahan

Pero pag pinanisgan it maestra o maestro

Mahipos gid ro seksyon molave karon .

Pero bisan makaron kami

Kahidlawan n’yo gid kami

Dahil kami manlang ro seksyon molave

Nga bisan inyong ginaagtunan

Palanggaon n’yo man gihapon kami it mae-mae.

Ni SHALLEN MAE M. FERNANDEZ

Melchor Memorial School Inc.

Laguinbanwa, Ibajay, Aklan

CCP launches 38th literary journal on 45th year

City of Pasay, Metro Manila – Seventy-one writers who authored a total of 147 literary works are featured in the 38th issue of the official literary journal of the Cultural Center of the Philippines (CCP). Ani 38 themed “The Human Body/Ang Katawan” covering the period of 2013 to 2014 will be launched on October 15, 2014 at the CCP Promenade at five in the afternoon. The CCP Intertextual Division, formerly the Literary Arts Division, produced Ani 38 in time for the 45^th anniversary of the Center, which will officially start in September.

Intertextual Division head and Ani editor-in-chief Herminio S. Beltran, Jr. explained that the “concrete” theme of Ani 38 resulted from the common comment of writers who composed the Ani 37 issue. They found the latter’s theme of “Cleansing and Renewal” as abstract.

“Undoubtedly concrete as it is, it may not be all that new however as a topic in creative writing,” said Beltran. He added, “We therefore kept it open to related sub-topics, such as the stages of the human body from birth to death; the situations and conditions that affect it, namely, illnesses and wellness; bodily functions, and activities the body is capable of – all of which deal with human experiences that make for a wealth of materials for the creation of narratives and metaphors.”

The 71 authors who submitted works in Filipino, Hiligaynon, Ilokano, Ilokano-Baguio, Akeanon, Bikol, Pangasinan, English, and Spanish in Ani 38: The Human Body/Ang Katawan are as follows: E. San Juan, Jr., James M. Fajarito, Melchor F. Cichon, Nonilon V. Queano, Mark Joseph Z. Arisgado, Herminio S. Beltran, Jr., Frank G. Rivera, Santiago B. Villafania, Hope Sabanpan-Yu, Jim Pascual Agustin, Joel Vega, Francisco Monteseña, Luis Batchoy, Jojo G. Silvestre, Ric S. Bastasa, Alma Anonas-Carpio, Johann Vladimir Jose Espiritu, Denver Ejem Torres, G. Mae Aquino, Kristoffer B. Berse, Wilhelmina S. Orozco, John Enrico C. Torralba, Catherine Candano, Glen Sales, Tilde Acuña, Shur C. Mangilaya, Anie M. Calleja, Victor N. Sugbo, Gil S. Beltran, Junley L. Lazaga, John Carlo Gloria, Anne Carly Abad, Louie Jon A. Sanchez, Kervin Calabias, Eilyn L. Nidea, Celine Socrates, MJ Rafal, Nestor Librano Lucena, Edgar Bacong, Dennis Andrew S. Aguinaldo, Phillip Yerro Kimpo, Marlon Agbayani Rodrigo, Manolito C. Sulit, Raul G. Moldez, Filipino Estacio, Mark Angeles, April Mae M. Berza, Glenn Ford B. Tolentino, Allan Lenard O. Ocampo, Ma. Cristina L. Barrera, Mars Mercado, Ernesto Villaluz Carandang II, Mario Ascueta Aguado, Noahlyn Maranan, Raul Esquillo Asis, Shiela Virtusio, Victor Emmanuel Carmelo D. Nadera, Jr., Mar Anthony Simon dela Cruz, Iö M. Jularbal, Ferdinand Pisigan Jarin, U Z. Eliserio, Genaro R. Gojo Cruz, Dolores R. Taylan, Voltaire M. Villanueva, Gege Sugue, Luis P. Gatmaitan, Elyrah L. Salanga-Torralba, Ma. Rita R. Aranda, Lorna A. Billanes, Perry C. Mangilaya, and Bernadette C. Tenegra. Betty Uy-Regala is the managing editor and launch coordinator of Ani 38, and Rommel Manto is the layout artist and designer of the publication.

During the launch on October 15, Ani 38: The Human Body/Ang Katawan will be sold at a discounted rate.  

The Intertextual Division, led by Herminio S. Beltran, Jr., is comprised of Giselle G. Garcia, senior culture and arts officer; Jasmin Tresvalles, culture and arts officer; and Nestor Librano Lucena, clerk.

For updates on Ani 38: The Human Body/Ang Katawan, like us on Facebook: CCP Intertextual Division Programs; follow us on Twitter: ccpintertextual (ccpintertextual) on Twitter and on tumblr: http://ccpintertextualdivision.tumblr.com; or email anijournal@yahoo.com and ccpintertextualdivision@gmail.com.

RA AKON NGA GINIKANAN ni GEZELLE SOLIDUM

RA AKON NGA GINIKANAN

ni GEZELLE SOLIDUM

Kamo gid ra pinakada-best nga ginikanan sa ibabaw it harang kalibuitan

Sayod n’yo ‘Nay, ‘Tay kon ham-an?

Una pa eang sa kahugod n’yo nga owa it katapusan

Napabilib n’ýo ako sa inyong ugali nga huwaran.

Grabi inyong sakripisyo nga naagum kamon

Pero Nanay, Tatay pasinsyahe n’ýo kun makaron

Owa man kunta ako naila sang ugali ngara

Alinun ta kay Marieta gid abi namana.

Nay, ‘Tay, kamo ra akon nga kabaskog

Kun owa siguro kamo bukon ako’t makara kakusog

Mabahoe gid ang pagsalig ag pagpasaeamat sa Ginuo

Dahil nag abot kamo nga ginikanan ko.

Iba gid eani una nga tatay hay owa gaeaba

Samantalang ikaw ’Tay, pupuhon ang panty ag bra

Bilib gid ang baea kinyo ni Nanay

Owa sa maani, owa sa mabun-ag it paeay.

‘Nay, ‘Tay paalin harang ga kolehiyo eon ako

Sangkurong tiis lang anay kunta, maka-graduate gid man ako

Tinguhaon ko gid nga may paeaabuton kamo

Salig eang baea kamo sa pwede kong mahimo.

Kun ako magkatrabaho, ayuson ko atong pangabuhi

Mangin matawhay gid ra ag mangin manami

Sa sueod it pilang dag-on n’ýo nga pagpalangga ag pag-alaga

Kamo eang gid ra ginikanan nga bukon it pabaya.

Saeamat sa tanan, Nanay ag Tatay

Sige obra ko’t harang tula sige tueo ang euha, bangud sa kalipay

Pinueawan ko ra it sanggabii nga owa it pahuway

Nanay, Tatay, kamo ra ginikanan nga owa gahikay

‘Nay, ‘Tay, harang gapatapos eon ang tula nga ginahaead kinyo

Kunta ‘Nay, ‘Tay, ‘di kamo magbag-o

Inyong mga ginaturo kamon hay mga manami

Daehon namon ron hasta sa mangin pamilyado eon kami.

Melchor Memorial School Inc.

Laguinbanwa, Ibajay, Aklan