Siin eon?
Ra mga pispis kaparehas it antilihaw nga kulay dueaw,
Nga kon siin nga sa anda nga pag hapon sa sanga naga sininggiyaw.
Siin eon?
Ra eagangis nga kon siin naga huni sa kasilomon,
Sa kanami ng tunog imo usoy usuyon.
Siin eon?
Ra isda nga eugsok nga kon siin sa aton pag panag-a,
Sa aton pag dakop para indi maka buhi aton gina euok-euok.
Siin eon?
Ra bato nga puti sa suba nga kon siin sa aton pag eaba,
It atong puti nga einabhan hay manami eatagan.
Siin eon?
Ra tuba nga kon siin kita mag halin sa ubra nga sa aton
kagaoy,
Ag kauhaw sa aton pag eag-ok ana gina paumpaw.
Siin eon?.
Ra buyo, apog ag bunga nga kon siin sa pag usang ni Lolo
ag Lola,
Ra anda nga baba gina pa puea.
Siin eon?
Kon aton istoryahon sa atong mga inunga ag anda usuyon,
Indi ko masabat nga pangutana.
Siin eon sanda?