MALI EON SA AKLAN
Aton nga balikdan
Eugta nga einubngan
It atong inunlan.
______________________
1. ALTAVAS
Sa banwa’t Altavas
Kon maghapit ro bus
Nami mag-ilabas
Maguwa ing hueas.
2. BALETE
Sa banwa’t Balete
Bukid hay manami
Tanom makabuhi
Sa pagpangabuhi.
3. BANGA
Ro banwa it Banga
Hay aeaw-aeawa
Kon ikaw bisita
Taw-an ka it hayga.
4. BATAN
Sa banwa it Batan
Lugar nga dungkaan
Baybay nga aeagyan
Abung taeabahan.
5.
BURUANGA
Sa banwa’t Buruanga
May bag-o nga kuyba
Abu nga turista
Ro nagabisita.
6. IBAJAY
Sa banwa;t Ibajay
Katunggan ag baybay
Nami magpahuway
Ag makapatawhay.
7. KALIBO
Sa banwa’t Kalibo
May tawong sanglibo
Nagsadsad sa kanto
Pista’t Santo Niño.
8. LEZO
Ro banwa it Lezo
Mahayag ro baryo
Iwag it Akelco
Gaunay sa kanto.
9. LIBACAO
May subang matin-aw
Ro sueog gaeabaw
Manami magkutaw.
10.
MADALAG
Ro banwa’t Madalag
May daeang maundag
Kapyot eang sa ing bag
Agud ‘di mageubag.
11. MAKATO
Sa banwa’t Makato
Hampang halo-halo
Magdaug ka Toto
Daehon sa palaro.
12. MALAY
Sa banwa it Malay
May islang Boracay
Sa binit it baybay
Gasiga ro sigay.
13.
MALINAO
Sa banwa’t Malinao
Bukid nagaeabaw
Idto sa ibabaw
Manami magtan-aw.
14. NABAS
Sa banwa it Nabas
Tuburan gakaeas
Eamig di mahaw-as
Maligos kat paspas..
15. NEW WASHINGTON
Banwa’t New Washington
Barko sa baybayon
Kon magpanakayon
Bakasa, sakay eon.
16.
NUMANCIA
Banwa it Numancia
Abu nga paliga
Ro basketbolista
Pirme eang sa plasa.
17.
TANGALAN
Ro banwa’t Tangalan
Banwang ginbugnaan
Busay ag tuburan
Naming paealigsan.