HUEOGA’T BUKOE ( 2 ) Dionakeanon ni Hangoe

HUEOGA’T BUKOE ( 2 )

Dionakeanon ni Hangoe

________________________

HAMBAEUNON

1.

Kon gaagi sa daean

Nga owa’t masandaran

Hinayi ing pagtikang.

2.

Kon gapangayo’t bulig

Hinugay gid it salig

Nga taw-an ka’t sambulig.

3.

Kon gausoy ka’t uyas

Bakasa eang it haw-as

Pueota maskin ubas.

4.

Kon ikaw gid hay supae

Kamana ka it sapae

Owa’t duga ag namae.

5

Kon ikaw ginauhaw

Bisan eubog nga eam-aw

Bakasa eang it kutaw

6.

Kon ing baeay hay guba

Kapin tanan hay euma

Abung tawong gatangda.

7.

Kon imo nga tangdaon

Gasiga nga bituon

Pundo sing panikangon.

8.

Kon imong panghueagon

Haeos lang hueoyapon

Lisod kwarta kitaon.

9.

Kon imong ginakuhit

Agud nga makaangkit

Hinugay eang it sab-it.

10.

Kon kimo gid matugpa

Bato-bato sa eugta

Saepa eang ag humapa.

11.

Kon may ginahingabot

Ag abung mga saeot

Pagtinguha it sil-ot.

12.

Kon nagakapay-kapay

Nga nagapangabudlay

Sustiner eang it bugsay

13.

Kon owa it aeagyan

Sa imong kapobrehan

Agi sa tikong daean.

14.

Kon owa it ihapnon

Suk-a ing mga tanom

Maskin man baeantikon.

15.

Kon ro tawo hay sueok

Hinugay gid it tueok

Mata baea humaeok.

16.

Kon sa ing paeanawon

Imo man nga adwingon

Baeay mo ag dumdumon.

17.

Kon una ro dimalas

Nga agya’t kanas-kanas

Maghimueat it kamas.