SIGE
EANG
Pagguwa mo sa harang kalibutan
Sobrang kalipay it imong ginikanan
Pagtatap kimo indi matumbasan
Pahuway nanda karga ka sa dughan.
Sobrang kalipay it imong ginikanan
Pagtatap kimo indi matumbasan
Pahuway nanda karga ka sa dughan.
Pag umpisa mo it pag iskuyla
Nagtiis magturo ro imong maestra
Pagpabasa kimo it abakada
Ga ugtas imaw para magkantigo ka.
Nagtiis magturo ro imong maestra
Pagpabasa kimo it abakada
Ga ugtas imaw para magkantigo ka.
Naka tapos ka sa imong himueat
Ginikanan mo sobrang pasaeamat
Kursong sa barko maw ing nadawat
May diploma eon ongang paeasabat.
Ginikanan mo sobrang pasaeamat
Kursong sa barko maw ing nadawat
May diploma eon ongang paeasabat.
Banwang gin bahoean imong inaywanan
Daea ro papel nga imong puhunan
Syudad nga magulo maw ing inadtunan
Agud usoyon mo mayad nga pangabuhian.
Daea ro papel nga imong puhunan
Syudad nga magulo maw ing inadtunan
Agud usoyon mo mayad nga pangabuhian.
Adlaw adlaw naga aplay ka
Papel nga bitbit maw permi ro daea
Sa pangamuyo mo kada mag panaw ka
Mabaton konta sa gina aplayang kompanya.
Papel nga bitbit maw permi ro daea
Sa pangamuyo mo kada mag panaw ka
Mabaton konta sa gina aplayang kompanya.
ni Zaldy Castro Sr.
-
Tagbaya, Ibajay, Aklan
No comments:
Post a Comment