BARANGAY KO PALANGGA KO ni Melvin M. Cabales

Bagacay,

Pangaean mo naghalin sa pamilya it kawayan,

Nga kon siin ra pispis sa paghapon naga duyan-duyan.
Ag sa paghuyop it hangin nga amihan

Ra kaeas it dahon manami pamatian,
Daw musika sa amon mga dueonggan.

Ro pag istar ko iya bugae ko ag kalipay,
Bugana ka sa mga inunga nga may kahadlok

Ag may respeto sa Diyos nga Amay.
Haeongan ko ikaw ag handum

Nga padayon nga mangin matawhay,
Agud mangin huwaran sa bilog nga Ibajay,
Imaw eani ginapabugae ko taga iya ako.

Si Melvin M. Cabales hay presente nga Punong Barangay it Bagacay. Last term eon nana sa Pagka kapitan it barangay nga kon siin sa anang administrasyon hay nangin manami ag progresibo ro Bagacay