RO MANAMI NGA REGALO SA PASKWA ni Jul Rensh m. Mangilaya

Isaea ka adlaw sa barangay Bagacay, may ungang si Boboy nga gusto makabaton it manami nga regalo sa paskwa.ngani naghinyo gid imaw sa anang nanay.

“’Nay, taw-i gid ako it manami nga regalo sa paskwa ha?” hambae ni Boboy.

Maeapit eon ro paskwa ngani excited gid si Boboy.

Sa andang eskuylahan bisan bukon it paskwa, hay nagataeaw-an sanda it mga

pagkaon.

            “Maeapit lang gali ro paskwa,” hambae ni Boboy.

        “Huo ngani, maeapit lang ro paskwa. Ngani dapat nga magtaeaw-an kita,” hambae sa anang classmate nga si Nenet.

            Pagkagabii hay nagpangaroling sanday Boboy ag Nenet.

            “Abu eon kita nga ginpangarolingan, dapat hay mauli eon kita,” hambae ni Nenet.

            Adlaw eon it paskwa.

            “’Nay, ham-an iya kita sa simbahan?” Pangutana ni Boboy.

            “’Nak, nalipat ka hay?” hambae sa anang nanay nga si Susing.

            “Ham-an may alin kara, ‘Nay?”

            “Paskwa eon kara,” sabat sa anang nanay.

            “Yeheeey! Makabaton eon ako it manami nga regalo,” hambae ni Boboy.

            Nadumdoman ni Boboy nga makaron nga paskwa imaw taw-an it regalo sa anang nanay..

            “’Nay, hambae mo kara mo gali ako taw-an it regalo,” hambae ni Boboy.

            “Huo, haron eon ro ing regalo nga ginapangayo,” hambae sa anang nanay.

            “Yeheey! May manami eon ako nga regalo, saeamat gid nga abu, ‘Nay ha?”

            Ginkupkopan ni Boboy ro ana nga nanay.

            Makaron hay malipayon gid si Boboy. Dahil; nakabaton eon imaw it manami nga regalong bisekleta halin sa anang nanay sa adlaw it paskwa.

Ro matag-ud nga matag-ud nga sugilanon ngara hay gineakot ni Jul Rensh M. Mangilaya bilang representante it NARUBA Cluster sa ginhiwat nga Read-A-Thon Inter District sa Naisud Elementary School, Naisud, Ibajay, Aklan.