Kato nga adlaw, may unga nga si Boboy nga
gusto makaantigo magbasa. Kada gabii imaw gintur-an it mayad sa anang nanay nga
si Susing para makaantigo it mayad magbasa.
Sa andang eskuylahan hay nagatuon
imaw it mayad, dahil gusto ni Boboy nga makabuoe it honor. Malipayon gid ro mga ginikanan ni Boboy bangud nakabuoe imaw
it 1st honor sa grade 1. Ngani nagtuon gid imaw it mayad
asta sa grade 6 hay 1st honor gihapon imaw sa andang klase.
Bangud maaeam si Boboy ag sa andang
kapobrehon hay may isaea ka manggaranon nga naeuoy ag nagpaeskuyla kana sa
kolehiyo. Nagbuoe imaw it kurso nga seaman.
Malipayon gid ro anang mga ginikanan sa anang pagtapos it eskuyla. Kat nagatrabaho
eon si boboy nga seaman hay ana man nga ginapeskuyla ro anang mga igmanghod ag
ginbuligan nana ro anang mga ginikanan agud indi eon sanda magtrabaho.
Makaron hay ginpaobra eon ni Boboy
ro andang guba nga dating baeay nga pawod ag butong ag ginpasemento. Owa man imaw
nalipat sa anang dating eskuylahan. Nagapanao imaw it mga libro agud makaantigo
man magbasa ro mga eskuyla sa anang dating eskuylahan. Ngani mabahoe nga
pasaeamat it mga maestra ag eskuyla bangud sa pagbulig kanda ni Boboy.
Ro hara nga matag-ud nga matag-ud nga sugilanon hay
nagdaug it 1st place sa ginhiwat nga Read-a-thon sa NARUBA Cluster
meet, Elementary level sa Rizal Elem.School, Ibajay, Aklan.
Si Jul Rensh M. Manbgilaya hay grade 5 sa UNat – Bagacay
Elementary School.
No comments:
Post a Comment