MAEAS-AY NGA MATAM-IS ( Mga Haiku ni Boboy )

ALIPUEOS
Dagas nga dahon
Hinuyop ag inapok,
Nagbaeansuli.

ANWANG
Nagahinugod
Nagabulig sa tawo,
Makaeueuoy.

ATI-ATI
Nagahinugyaw
Haead sa Sto. Niño,
Grasyang inasae.

BABOY
Bakeon it buhi
Kantidad nga manami
Sakto sa ungib.

BAHAE
Bueong sa gaoy
Sangka eag-ok nga bahae
Makapaumpaw.

BANGHOE
Gabiing dueom
Nagaaeaging tawo,
Nagakaduea.

BINAEU
Nagpailawod
Daean nga pailaya,
Nagkaeataeang.

BUEANG
Nagpueustaan
Sa agaw ag sa biya,
Pag-uli patas.

EAGNAT
Bug-at ro eawas
Maeuya maghinueag,
Makataeamad.

EAPSAG
Nagatinueok
Owa it kalibutan,
Anghel sa baeay.

BUDLI
Kon pakaunon
Owa it kabueosgan
Sueok sa suhoe.

BUEUTOHAN
May kuntrasenyas
Sa ahaw nga botante,
Huyap ro boto.

BUNGKOE
Nagaienamon
Owa it kabueosgan,
Sueok sa kaon.

GASOLINAHAN
Sige ro ilig
Nagabaha it presyo
Nami sunugon.

GOBYERNO
Kwartang gakalhit
Swerte it nagapungko
Makapamueot.

INUD-URAN
Mahaeang-haeang
Pinamaehang haeuan,
Manaming suea.

KAEABASA
Nagakinamang
Sa kabug-at it bunga,
Owa pag daeha.

KAGUTMON
Nagpinamueot
Mga pagkaong salin,
Eakman sa tiyan.

KAMUNSIL
Nagabueukead
Mga bungang bukaka,
Lisod sakaon.

KANAWAY
Nagahagiyos
Ro baeos it kanaway
Halit nga baha.

KARSADA
Daeang batsihon
Kon agyan it saeakyan
Gakarandagan.

KUMON
Nag-aeawayan
Sa hinueay nga eugta,
Nagkueoearan.

KURING
Matsa maeuya
Itsahon it gulpi,
Pagtugpa kaya.

MALIIT
Tawo sa taeon
Indi gid pagdueaga,
Halit ro baeos.

MAMUMUGON
Nagapanagpot
Makasupot sang baylok,
Eakman tug-unon.

MANAKAW
Gapinamatyag
Sa dueom it gabii,
Bantay it euta.

PAGKAON
Grabe ro mahae
Mga presyo’t pagkaon
Makasueoka.

PAMILITI
Kon sa saeakyan
Kwartang ginpamiliti
Owa’t sinsilyo.

PAYAG
Paeahuwayan
Gin-antos nga kabudlay,
May katawhayan.

PULITIKO
Nagapromisa
Manami nga proyekto,
Purilong tawo.

SINDA
Naghinaeak-ak
Pag-uli sa baeay,
Ginsinaeapo.

SUBA
Nagadinaeom
Ginabuoe ro baeas.
Tubing maeubog.

SUEOG-SUEOG
Gapinamaeo
Magsariling bugarit,
Papuekon lawit.

TAEABONG
Puti it bueboe
Sa tunga’t kaeanasan,
Nagatinikang.

TAGASAW
Nagahinugod
Pag-abot it tinguean,
Nagpinahuway.

TAMBIS
Nagapueungyot
Euto nga mga bunga,
Hanginon dagas.

TUBURAN
Owa it untat
Nagailig nga tubi,
Bueong sa uhaw.

TUN-OG
Nagaeapnaag
Nagaeatay nga eamig,
Buhi ro tanom.

UEAN
Nagadaganas
Nagapanong nga bunok,
Gulpi it baha.

UEOD
Ro pobreng ueod
Mahinay kon maghiod
Nagahimueat.

UGSAD
Bilog ro hayag
Kon maagyan it gae-om,
Nagakaduea.

UMAE
Maskin bairon
Kon ‘di maghimatuon
Indi magdueot.

ALIPUEOS
Dagas nga dahon
Hinuyop ag inapok,
Nagbaeansuli.

ANWANG
Nagahinugod
Nagabulig sa tawo,
Makaeueuoy.

ATI-ATI
Nagahinugyaw
Haead sa Sto. Niño,
Grasyang inasae.

BABOY
Bakeon it buhi
Kantidad nga manami
Sakto sa ungib.

BAHAE
Bueong sa gaoy
Sangka eag-ok nga bahae
Makapaumpaw.

BANGHOE
Gabiing dueom
Nagaaeaging tawo,
Nagakaduea.

BINAEU
Nagpailawod
Daean nga pailaya,
Nagkaeataeang.

BUEANG
Nagpueustaan
Sa agaw ag sa biya,
Pag-uli patas.

EAGNAT
Bug-at ro eawas
Maeuya maghinueag,
Makataeamad.

EAPSAG
Nagatinueok
Owa it kalibutan,
Anghel sa baeay.

BUDLI
Kon pakaunon
Owa it kabueosgan
Sueok sa suhoe.

BUEUTOHAN
May kuntrasenyas
Sa ahaw nga botante,
Huyap ro boto.

BUNGKOE
Nagaienamon
Owa it kabueosgan,
Sueok sa kaon.

GASOLINAHAN
Sige ro ilig
Nagabaha it presyo
Nami sunugon.

GOBYERNO
Kwartang gakalhit
Swerte it nagapungko
Makapamueot.

INUD-URAN
Mahaeang-haeang
Pinamaehang haeuan,
Manaming suea.

KAEABASA
Nagakinamang
Sa kabug-at it bunga,
Owa pag daeha.

KAGUTMON
Nagpinamueot
Mga pagkaong salin,
Eakman sa tiyan.

KAMUNSIL
Nagabueukead
Mga bungang bukaka,
Lisod sakaon.

KANAWAY
Nagahagiyos
Ro baeos it kanaway
Halit nga baha.

KARSADA
Daeang batsihon
Kon agyan it saeakyan
Gakarandagan.

KUMON
Nag-aeawayan
Sa hinueay nga eugta,
Nagkueoearan.

KURING
Matsa maeuya
Itsahon it gulpi,
Pagtugpa kaya.

MALIIT
Tawo sa taeon
Indi gid pagdueaga,
Halit ro baeos.

MAMUMUGON
Nagapanagpot
Makasupot sang baylok,
Eakman tug-unon.

MANAKAW
Gapinamatyag
Sa dueom it gabii,
Bantay it euta.

PAGKAON
Grabe ro mahae
Mga presyo’t pagkaon
Makasueoka.

PAMILITI
Kon sa saeakyan
Kwartang ginpamiliti
Owa’t sinsilyo.

PAYAG
Paeahuwayan
Gin-antos nga kabudlay,
May katawhayan.

PULITIKO
Nagapromisa
Manami nga proyekto,
Purilong tawo.

SINDA
Naghinaeak-ak
Pag-uli sa baeay,
Ginsinaeapo.

SUBA
Nagadinaeom
Ginabuoe ro baeas.
Tubing maeubog.

SUEOG-SUEOG
Gapinamaeo
Magsariling bugarit,
Papuekon lawit.

TAEABONG
Puti it bueboe
Sa tunga’t kaeanasan,
Nagatinikang.

TAGASAW
Nagahinugod
Pag-abot it tinguean,
Nagpinahuway.

TAMBIS
Nagapueungyot
Euto nga mga bunga,
Hanginon dagas.

TUBURAN
Owa it untat
Nagailig nga tubi,
Bueong sa uhaw.

TUN-OG
Nagaeapnaag
Nagaeatay nga eamig,
Buhi ro tanom.

UEAN
Nagadaganas
Nagapanong nga bunok,
Gulpi it baha.

UEOD
Ro pobreng ueod
Mahinay kon maghiod
Nagahimueat.

UGSAD
Bilog ro hayag
Kon maagyan it gae-om,
Nagakaduea.

UMAE
Maskin bairon
Kon ‘di maghimatuon
Indi magdueot.