ATON PASAEAMATAN
Kanami gid tan-awon,
Bukid nga kataason,
Palibot nga kalimpyuhon,
Ag tubi nga kalinawon.
Kanami man batyagon,
Ro hangin nga kaeamigon;
Ag sa eawod nga pagkaon,
Ay abaw kanamiton!
Akon nga nadumduman,
Ro Diyos nga nagtuga it tanan;
Tungod kinahangean man,
Nga aton Imaw pasaeamatan.
Gamiton eang sa tama,
Ag indi pag-amulitan,
Gintaong grasya it Ama,
Aton gid nga amligan.
- SHERYL BARRIENTOS
Ibajay National High School
Ibajay, Aklan
No comments:
Post a Comment